Zhanen, me chorro shavo somas, thaj ande muro shavorengo bersh muri dej kothe tordyardasma baloske malyareske. Le balen losardom. Assan tume pe kadaleste, apol angla le bale opre shaj vazdel pesko kolopo sako manush.

- Zhanen tume, hoj sosko patyivalo-j pedo o balo? Perdal trin bersha phirdom avri pej mal lenca, kathar primavara zhikaj tomna. Phinzhardomle. Lashe-j, patyivale-j. Hatyaren? Von kamen man. Apol me chi somas balo, feri manush....

Shunen! Jokhar pe jekh tomna trados le balen opre po plaj te xal char. Le ruva lelpe te zhal kaj le bale. Sas jekh geralo balo, savo sagda na kethane phirelas le majbute pedonca. Kaver bale chi mukhlineles mashkar lende, ke tela peste melyarelas. Anda kado sas kado balo kondako lazhavo. Ke o balo si uzho pedo. Thaj pe kado pedo geline opre le ruva.

- Detehara sas, pune varisosa pala panzh chasura avri trados anda e shtanya, kana cipimo shundom. O geralo balisho po nyevo dur sas kathar le kaver bale, kade nashenas pe leste le ruva. Shtare ruva jekharsa. Pe kado sa le bale kethane boldenpe pel ruva. Dujshela bale – gindin tume kado! Nashaven le ruven palpale ando vesh.

Kade o geralo ando trajo ashelas.  But gindindomma, hoj vi sostar nashline le bale le kavreske te zhutin. Apol chi kamenas le geralos. Ba opre avilom pe kado: ke vi voj balo sas, sar le majbut.

- Dikhen tume! Anda kado kamos balo avo! Ke xanyzhvarav le balen, von kethane inkren na kade sar le manusha.

(Boldas les pala Wass Albert: Dr. Papp János, kothar: http://tanulsagos-tortenetek-tarhaza.webnode.hu/blog/)