No, Shavále, Rromále, kamáv te phenáv tuménge ek paramíchi, sar ashundém la vi me katár murró pápo, no, várekana máshkar le Rrom dénas dúma ay phenénas but paramícha, kachá paramíchi chachimása si may lúngo, núma, músay si te skurtív la xantsí. Ay phenél kadyá, ke sas ek Rrom, kadó sas de domúlt, kothé and’e Evrópa, kay sas defial phuró, ay kamélas eké gazhéske baré lové, ay nashtí pochinélas léske desá, ke nashtí kerélas buchí, ke phuró manúsh sas, na, te kerél buchí. Atúnchi ek djes, kadó Rrom phuró naswáylo ay muló. Atúnchi praxosardé les sar kerél pe mashkár aménde le Rrom, kerdé léske e pomána, ay vo sas thodinó ande pésko groposhévo. 

Alija Krasnici agoril piro romano alavari ano dialketi arli thaj gurbeti, 70 000 neve alava. Po agor e chonesko juni, ikljol angluno romano - serbikano alavri 70 000 alavenca ani Srbija ano than e Subotica. Vov si kerdo kotar o Alija Karsnici romano zurnalisti thaj poeti. Dumo te ikljol o alavri dla e lokalno komunalno regeingo ani Subotica von dlje 190.000 dinara save keren dji ke 20.000 krune. Sar ljiljape te kerol akija buchi thaj thaj kobor lungo vrama ljilja te agoril o alavari, thaj save pharipenca arakhlape ake so vorbil ameneg ando Radio Romano.